مريم ♥

النهارده بالنسبالي مش مجرد عيد ميلادك، ده يوم مميز جدًا عشان هو اليوم اللي اتولدت فيه البنت اللي بقت أغلى إنسانة عندي وأقرب حد لقلبي.

بجد مش عارف أوصفلك قد إيه أنا بحبك، وقد إيه وجودك في حياتي فرق معايا. إنتي جزء من يومي يمريم، انتي كل تفكيري، انتي كل حاجه عندي، وانتي كل أحلامي. أي حاجة حلوة بتحصل معايا أول حد بيجي في بالي هو إنتي.

بحب ضحكتك، وبحب اتكلم معاكي بس انتي لا، وبحب كل تفصيلة فيكي خلتني أتعلق بيكي بالشكل ده. كل يوم بيعدي بيأكدلي إني اخترت أجمل وأحن وأطيب (أحيانًا 😄) بنت ممكن تكون في حياتي.

في عيد ميلادك بتمنى من قلبي إن ربنا يحققلك كل اللي نفسك فيه، ويخليكي دايمًا مبسوطة، ويبعد عنك أي زعل أو تعب. وأكون دايمًا سبب في ضحكتك وفرحتك زي ما إنتي سبب في انبساطي وانك جنبي ف الوحش قبل الحلو.

عارفة؟ من أحلى الحاجات اللي حصلتلي إني عرفتك، ومن أكتر الحاجات اللي بخاف أخسرها هي إنتي. عشان كده هفضل كل يوم أحاول عشانك وعمري ما هزهق وأثبتلك قد إيه مكانتك كبيرة عندي.

اه بنتخانق أحيانًا، وبنزعل من بعض، بس عمري ما أسيبك ولا أتخلي عنك يا أحلى حاجة ف حياتي وأجملها.

كل سنة وانتي حبيبتي، وصاحبتي، وأجمل نعمة ربنا رزقني بيها. وكل سنة وأنا بحبك أكتر من السنة اللي قبلها، وهفضل أحبك وأقدرك طول العمر. وبجد يارب نتجوز بقى يا مريم يارببب، عشان أنا مش عاوز غيرك والله رايدك موت.

ف الآخر.. الكوتي بوتي بتاعتي كبرتت سنة واحنا سوا 🥳🥳🥳